Aragtida (Vision)
In aan noqonno xarunta ugu horreysa ee madax-bannaan ee cilmibaarista dhaqanka Soomaaliyeed, diiwaangelinta taariikhda iyo horumarinta aqoonta ee Bariga Afrika.
Nagu Saabsan
Xarun madax-bannaan oo u heellan aqoonta Soomaaliyeed
Xarunta Hanshow ee Cilmibaarista iyo Horumarinta Dhaqanka (HCRCD) waxay ka shaqeysaa xafidaadda hidaha, cilmibaarista aqooneed iyo xoojinta bulshada.
Hordhac
Xarunta Hanshow waa hay'ad madax-bannaan, aan faa'iido doon ahayn, oo la aasaasay bishii Febraayo 2019, xarunteeduna tahay Muqdisho, Soomaaliya. Waxaa la dhisay si loo buuxiyo farqiga u dhexeeya baahida xafidaadda dhaqanka Soomaaliyeed iyo cilmibaarista aqooneed ee tayada leh.
Xaruntu waxay noqotay goob ay ku kulmaan cilmi-baarayaal, aqoonyahanno, fannaaniin iyo bulsho rayid ah, iyadoo diirada saaraysa diiwaangelinta taariikhda, badbaadinta hidaha iyo tababarka dhallinyarada.
Himilada (Mission)
In aan sameyno cilmibaaris aqooneed oo ku saleysan xog dhab ah, aan ilaalino qiyamka dhaqanka, aan dhiirrigelino wada-hadalka dhaqamada, aanna xoojino bulshada barnaamijyo waxbarasho, u-doodid siyaasadeed iyo tababar.
Qiyamkeenna Aasaasiga ah
Madax-bannaanida Fikirka
Cilmibaaristeenna waxaa hoggaamiya xaqiiqo iyo xorriyad aqooneed, ma jiro dan siyaasadeed oo saameysa natiijooyinka.
Daacadnimada Dhaqanka
Waxaan ilaalinaa oo aan kor u qaadnaa hidaha, luqadda iyo qiyamka bulshada Soomaaliyeed.
Iskaashi iyo Wadashaqeyn
Waxaan la shaqeynaa jaamacado, wasaarado, hay'ado bulsho iyo shabakado caalami ah.
Ka-qaybgal Bulsho
Waxaan xaqiijinaa in dhallinyarada, haweenka iyo bulshooyinka miyiga ay wax ka qeyb qaataan shaqadeenna.